डोळ्यांवरती आली सुंदर मावळतीची किरणे
क्षणभर झाले सुसह्य माझे मुशाफिरीचे फिरणे
अवखळ अवघड वाट मनोहर सोने अवजड ल्याली
गालांवरती चढली अन् सोन्याची तांबुस लाली
वारा होता चेहर्यावरती अलगद कुजबुजणारा
संध्येचे ते रूप साजिरे हलकेच खुलविणारा
कुठली पुण्ये झाली हातुन क्षण हा हाती आला
कुठल्या जन्मीचा हा आर्जव आज फळासी आला
नि:शब्दाचे उरले गाणे सूर तयाचा ओला
मुशाफिरीच्या एकांताचे गूज सांगुनी गेला
- तन्मय वि. टिकेकर
No comments:
Post a Comment